zurückzurück

Wanderratte 2019

Anzahl Mitwirkende: 3
Comité-Bank seit 2013


Logo Wanderratte

 

Comité-Schnitzelbank Wanderratte, Basler Fasnacht 2019

Au in däre Stadt, jä das stoot fescht,
drifft uns kai Schuld an dr schwarze Pescht.
Die wird nämlig, das het scho my Babbe gsait,
vom Floh und nit vo uns iberdrait.
Usserdäm hätt me z`Basel jo insgesamt,
lieber d`Pescht in dr Stadt als e Wessels im Amt.

Comité-Schnitzelbank Wanderratte, Basler Fasnacht 2019

Wenn ich dr Novartis myni Niere verkauf,
und firs Ässe in d Gassekuchi lauf.
Wenn y my Winterfäll an e Händler vertigg,
my Woonig kind und uffe Bänggli ligg.
Denn kann ich mir, wie die Maischte,
au e Kranggekasse laischte.

Wechselhelge Negro Rygass

Wägere nid uffgschaffte historische Lugge,
duet me z`Basel e Gugge medial bespugge.
Damit kain me die Gugge inne Egge ka drugge,
han ich e Vorschlag ganz e Schmugge:
„Nämmed das Signet und diend eych denne,
ab näggscht Joor Naager-Rhygass nenne!“

Comité-Schnitzelbank Wanderratte, Basler Fasnacht 2019

Wo d`Leuthard schluchzt: „Ich trette zurück.“
Hämmer brielt, si vor Kummer und ich vor Glück.
Im Schneider-Ammann hingeege han y gsait är sell,
als neye Verwaltigsroot zem Bell,
damit är deert in sym Wachkoma,
wyter vor sich aane wurschtle kaa.

Comité-Schnitzelbank Wanderratte, Basler Fasnacht 2019

Ass me am Ballon d`Or, y bi jetz no gschoggt,
d`Gwinnere nacheme Fuudidänzli froggt,
dass wurd sich z Basel kain getraue,
mir scheetze und verehre d`Fraue.
Die deerfe do sogar frei umelaufe,
und fir e Sandwich Leesli verkaufe.

Comité-Schnitzelbank Wanderratte, Basler Fasnacht 2019

Die mit de gääle Weschten aa,
benämme sich wie dr Wildi Maa.
Si machene Lärm, sin gwaltbereit,
und loose nit zue weme ebbis sait.
Als Biirger bisch do wirgglig bloggt,
wenn e Horde Kinder im Trämli hoggt.

Comité-Schnitzelbank Wanderratte, Basler Fasnacht 2019

Uff däm Bild vom Böckli, gseesch diräggt,
wie die schwarzi Pescht duur d`Stroose fäggt.
liesst me hyt dä talentierti Maa,
firs glyche Sujet nomol dra,
gsächtsch uff däm Helge mit brennende Faggle,
die bruuni Pescht duur Chemnitz gwaggle.

Comité-Schnitzelbank Wanderratte, Basler Fasnacht 2019

Dä Banksy wo halb gschredderet isch,
isch z`Londe fir Millione ibere Disch.
Jetzt bhauptet jede Kunschtexpärt,
nur was gschredderet wird, haig ebbis wärt.
Drum Ueli Muurer, wenn`s irgenwie goot,
schreddere das Foti vom Gsamtbundesroot.

Comité-Schnitzelbank Wanderratte, Basler Fasnacht 2019

Doppeladler zeige stolz wiene Pfau,
und schwälbele wie anere Vogelschau.
z’Dumm zem unseri Hymne singe,
aber denn im Stroofruum avo schwinge.
Immerhin sin die Buebe, das muess ene loo,
e bitzeli wyter als d`Schwoobe koo.

Comité-Schnitzelbank Wanderratte, Basler Fasnacht 2019

Iir glaubet jo gar nit was ich alles entdegg,
bim duurniessle vo eyer-ne Bebbisegg.
oder was y mitkrieg wenn y duur Ritze und Fuege,
haimlig in eyri Stuube due luege.
Die Date ka me jetzt legal bi mir bstelle,
sott e Versicherig no zusätzligi Infos welle.

Comité-Schnitzelbank Wanderratte, Basler Fasnacht 2019

Saisch „Nai“ an dr Kasse bi de Siessigkeite,
kriegsch mit glaine Kinder Schwirigkeite.
Die fange a däubele und umeschreye
und leen sich vor Wuet am Bode keye.
Genau so miehsam und renidänt,
duet z`Amerika dr Presidänt.

Comité-Schnitzelbank Wanderratte, Basler Fasnacht 2019

Sy syg standhaft bliibe, jo vo wääge,
SCHWUPS hets gmacht scho isch sy glääge.
Jetzt het d`Ackermaa dä armi Dropf,
e Byyle so gross wien e Horn am Kopf.
Und ich bi froh, aber saaged`s iire nit,
das es immer no Kieh mit Hörner git.

Comité-Schnitzelbank Wanderratte, Basler Fasnacht 2019

Aigentlig han y an dr Hochzyt vo mym Brueder numme welle,
dr Fotograf mit sonere Droone in Schatte stelle.
Aber die het scho nachem Start völlig unkontrolliert,
im Verbyflug d`Hochzytsdoorte püriert
und isch ab richtig Brut quer duure Garte,
jetz het die Gueti-Fee e Haasescharte.

Comité-Schnitzelbank Wanderratte, Basler Fasnacht 2019

Nach däm Fiassko mit dr Droone han y dänggt,
my Glaine kaas besser und hanem se gschänggt.
Aber jetzt hoggt, sait mer Jugendaawaltschaft,
dä Bängel in Untersuechigshaft.
Är haig mit däre Droone, an dr Uni letscht Nacht,
us de Wältwuchen e Sagg voll Räppli gmacht.