zurückzurück

Schyynhailyg 2019

Anzahl Mitwirkende: 1
Comité-Bank seit 2017

Ob Hindu Chrischt Buddischt Atheischt
ob Shiva Gott Buddha Allah
kunnsch dangg d’r Schyynhailigkait überall a

Die drey Doppeladler fliege nit wyt
ain z’ bleed ain z’ naiv und ain us Granyt

’s Anita Fetz erkennsch an d’r Stimm
doch we’me sy seht isch ’s gar nid so schlimm

Und d’r Marcel Koller reedet als hätt ’r
d’r Lohn vom e Bettwaarefabriggeverträtt’r

Damit s’ U uf em MUBA-Grabschtai rentiert
wird Uhreundschmuggmäss sänggrächt graviert

Die wältwyt katholyschy Pädophylie
kunnt vo d’r Hirnkrangget Zölypathie

Und die won är aanimmt ‘ass sy ’s nimm mieche
nimmt unsere Bischof uf d’ Lischte fyr Rieche

Wenn y dängg was y saag, wenn y saag was y dängg
isch my Schwyyge zem Trump für uns ally e Gschängg

Wott’sch bim Sebaschtian Kurz z’ Estryych verblyybe
sott’sch Parlamänt-Aarier mit Bindestrich schryybe

z‘ Davos hesch bim Ueli im Schyynwärfer gseh
wenn dä uf änglisch schwätzt speut ’r no meh

Ych lueg als in Spiegel und dängg mer derby
dass das jo wirklig nid d’ Wooret darf sy

Zem wildfremdy Fisch gsee we’me so dänggt
hät doch e Fääri mit Glasboode glänggt

’ass de Dytsche die Fuessball-WM vereggt
het jo d’r Yogi syt Längerem g’schmeggt

dä Prinz kunnt z’ Araabie leider nieh dra
denn Schweinefleisch länggt me deert äne nid a

Ych schliess mit em Wunsch vom Papscht kurz und knapp
blyybet beschaide und tryybed nid ab

D’ Klimwäggselverliegner kemme nimm drum
und taufe bald d’ Maie- in Märzkäfer um

Ych schlugg vier Viagra vor y d’ Wösch hol im Käller
das spannt my Talar a denn troggnet ’r schnäller

Charmant biegt d’r Maudet ’s Gsetz bis zem bräche
und liegt bis en d’ Romands jetz schyynhailyg spräche