zurückzurück

Anggewegglimaitli 2019

Anzahl Mitwirkende: 3
Comité-Bank seit 2008

 

Comité-Schnitzelbank Anggewegglimaitli, Helge 2019

My Gitarrischtin isch verschwunde,
Ich haa zem Gligg e neii gfunde.
Nai, nai, i waiss, es dänggt jetzt jeede draa,
Es isch aber nit d Frau Ackermaa.

Comité-Schnitzelbank Anggewegglimaitli, Helge 2019

Wil der Schugger-Chef Baschi nit gärn lauft,
Het är so Fliigeldiire-Tesla kauft.
Apropoo Fliigel: Flieg doch dermit
Uff e Mond und nimm graad der Wessels mit!

Comité-Schnitzelbank Anggewegglimaitli, Helge 2019

Im Grosse Root, doo dien si pfuuse,
Schwätze, lache, strigge, schmuuse,
Si brinzlen enander ans Hoosebai,
Numme stille, joo, das muesch dehai.

Comité-Schnitzelbank Anggewegglimaitli, Helge 2019

Bim Vincenz und Gisel, däne Raiffyyse-Gnoome,
Liggt s Bschysse in de Chromosoome.
S Rezäpt: Nimm Filz und Gäld und vermues es
Und gniess es, denn: E chli stingge mues es.

Comité-Schnitzelbank Anggewegglimaitli, Helge 2019

 «Ei känn Inglisch anderschtänd!»
Der Parmelin het z due amänd.
Mir roote iim, due nit vergässe:
E Wirtschaftsgipfel isch nyt zem Ässe!

Comité-Schnitzelbank Anggewegglimaitli, Helge 2019

Wäge sexueller Beläschtigung,
Stoot dä Schugger vor Gricht, är isch no soo jung.
Derby het är numme – jetzt miend Iir loose –
Däre Daame gsait: «Sii, dien Si mol bloose!»

Comité-Schnitzelbank Anggewegglimaitli, Helge 2019

Die Abänderig, die bringt my ins Schwitze,
Die Hitz isch e Witz, bim Stoo und bim Sitze.
Es git aber aini, die schwitzt no vyyl mee,
Das isch die armi Theresa May!

Comité-Schnitzelbank Anggewegglimaitli, Helge 2019

In Franggryych straiggt s Auti, ich froog mi glyy:
Leeg ich d Warnweschten aa, oder loon i s lo syy?
Denn ooni bikumm ich e Buess fir das
Und mit wird ich yydeggt mit Dräänegaas.

Comité-Schnitzelbank Anggewegglimaitli, Helge 2019

D Frau Amhärd, die git jetzt Bifääl
Und folge mien si, d Generääl.
Die sait de Männer, wo s duure goot.
O wäär ich doch au im Bundesroot.

Comité-Schnitzelbank Anggewegglimaitli, Helge 2019

E Tip an d Negro: S het kai Zwägg,
Jetzt leend doch dä schwarzi Kopf ewägg,
Und bhaltet dä Gnoche, no git s kai Gschyss,
Denn au bi de Nääger sinn d Gneche wyss.