zurückzurück

Pierrot 2018

Anzahl Mitwirkende: 1
Comité-Bank seit 1988

 

Pierrot Fasnacht 2018

Fir 10 Riise sufft e Chinees,
e gfälschte Whyski, mit eme Pockerface,
“its veli guud” het är do gstrahlt,
zum Gligg han ych mit Bitcoin zahlt.

Pierrot Fasnacht 2018

Ziircherbolizei will d Nationalität, nim nenne,
dass me die Kriminelle nit ka erkenne,
aber wenn nit stoot, blybts drby,
denn ka s bestimmt kai Schwyzer si.

Pierrot Fasnacht 2018

S git immer meh wo s nit vertraage,
we me em Mohrekopf, Mohrekopf duet saage,
und wenn y gierig in aine byss,
gohts grad los, das MeToo Gschyss.

Pierrot Fasnacht 2018

So Wärbe-Wätter mässig gsee,
gheert s Sünneli zur SVP,
dr AfD isch s wurscht, ych stuun,
die sin au ohni Sunne bruun.

Pierrot Fasnacht 2018

Fuessball isch e Massesport,
me schuttet praktisch an jedem Ort,
doch wenn denn alli z Russland gingge,
mien Tschingge vo dehaim us wingge.

Pierrot Fasnacht 2018

Jetz het me wider rueh,
d Aggte Jamaica isch ändlig zue,
au d Merkel haig das Wort scho ghasst,
he jo, si hätt jo gar nit in so Glaider basst.

Pierrot Fasnacht 2018

Es git bestimmt e riise Gschrei,
dr Bahnhof isch jetz Raucher frei,
s goht nimme lang und d Yysebaan,
wird zuckerfrei und au vegan.

Pierrot Fasnacht 2018

Layana, Leaticia, Gökaalp, Selik, Hasan,
Ilinka, Melin, Yusuf, Dünya, Ahaan,
unseri Stadt isch schampar froo,
mir hänn wider ächti Bebbi bikoo.

Pierrot Fasnacht 2018

Em Hüppi het s bim Fährnsee, nüm gfalle,
är het gwächslet zum FC St. Galle,
so wie dä schnörrt sötsch welleweh,
em gratis grad no de Wessels geh.

Pierrot Fasnacht 2018

Jede Schwyzer haig e halbi Millioon,
das gheert scho fascht zum guete Doon,
hätt ych e ganzi, ha ni dänggt,
denn hätt y si au em Elsass gschänggt.

Pierrot Fasnacht 2018

Y dringg gärn am e lauschige Plätzli,
e Gleesli Wyy mit mym Ami Schätzli,
du Gryysel, schreit si, ich glaub ich spinn,
schau, in meinem Glas, ist Weinstein drin.