zurückzurück

Penetrante 2018

Anzahl Mitwirkende: 4
Comité-Bank seit 1997

 

Penetrante Fasnacht 2018

Wo d Suleika ganz elai uff Mekka faart,
muurmlet der Mohamed am Stroosserand in Bart:
„dass doo kai Maa derbyy sitzt, isch doch ainerlai,
sogar im Aargau faare d Fraue hit elai“.

Penetrante Fasnacht 2018

D Italiäner ooni WM sinn fruschtriert.
Bim Bsuech vom Cassis z Rom isch s vellig eskaliert.
Wo n äär bim Apéro am grosse Staatsbankett
froggt wär gäärn Panninibildli dyschle wett.

Penetrante Fasnacht 2018

S fühlt sich d Frau Leuthard au beleschtigt – sexuell.
Der Ueli luegi lüschtern - s isch si Naturell.
D Sommaruga maint: „mach jetzt doo druss kai Buff,
uff so ne Bligg doo wart ich scho s ganz Lääbe druff“.

Penetrante Fasnacht 2018

Der Ignazius säuslet: „Doris – cara mia,
tu sei in Bundesroot jetz mini Mama mia.
Dini Lache come sole, lago, vino
und dini Muul wie Gotthardrööre ins Ticino“.

Penetrante Fasnacht 2018

Mit säggsesächzig het s au s Vreneli begriffe,
wo der Franz mit 10 si het ins Fuudi kniffe,
isch das Beleschtigung gsi, drumm glaagt si iin aa,
d Stroof die het äär scho, äär isch hit iire Maa.

Penetrante Fasnacht 2018

Die nei Museumsstrategie isch jetzt baraad.
S git nur no grieni und dails rooti Exponat.
Und der Käärn vo dääre neie Strategie,
bim Yydrittsbryys isch s Glaiderkäschtli scho derbyy.

Penetrante Fasnacht 2018

Der glaini Fritzli sait zem Hans im Kindergaarte:
„Ich mecht Chef si und do druff nimm länger waarte.
Mir geen uff Franggriich dasch der allerbescht Momänt,
in unsrem Alter wirsch deert nämlig Bresidänt“.

Penetrante Fasnacht 2018

In Schwede froggt der Björn „Will dü ha Sex med mir?
Denn ünder skriva mi jetzt bitte das Papier.
Gewünste Stellung kryyzen Dü da unten an
Tack sa mycket, joo, dann fangen wir jetzt an

Penetrante Fasnacht 2018

Hit outet jede sich e so grad wie s iim wool isch.
Die isch vegan, die säll e Trans und dää kathoolisch.
Egal ob Minderhait, verfolgt oder am Rand,
s git Lyt die oute sich – „mir si vom Baselland“.

Penetrante Fasnacht 2018

In fuffzig Joor im Lamm sait d Schweschter Klara barsch:
„Sii Frau Üsgülün, ihr Arschgwei hängt am Arsch

und au die wunderscheeni tätowierti Roose,
hängt zimmlig schrumplig, samt em Buuse iiber d Hoose“.

Jä s gheere alli irgendwenn halt zu de Alte
und denn verschwinde die Tattoos voll in de Falte.

Do kunnt in d Physio der Ärnscht mit sim Rollator,
liicht verblasst gseesch uff der Bruscht e Terminator.

Au das Kelte Gryz Tattoo vom Jonny Meier,
isch verblasst und hänggt ganz schlaff in Richtig – Boode.

Em Hans isch d Frau verschtoorbe und me gseet in lache,
will am Ooberarm isch jetzt si ainzig Drache.

Und das Dootekopfmotiv vom Harry Lesser,
basst sit sim Gheerstuurz und em Schleegli immer besser.

D Frau Huber bringt der Maa ins Haim, das isch e Ding,
will äär nit will, fiert sii iin halt am Naasering.

Und d Frau Merian die macht e riise Gschiss,
iires Zungepiercing hängi am Gebiss.

S Trudi isch scho in der zäänte Liftigsphase,
im Momänt isch iire Naabel uff der Naase.

Und sit d Frau Aenishänsli nimm ka Botox spritze,
gseet iir Muul uss wie s Dail wo sii druff duet sitze.

Bim John het s Ooreloch nie gross gnueg kenne si.
Hit isch das braggtisch, s Heergräät basst so beschtens dri.

Die gschwullne Gnei vo der Frau Lutz, so gheersch si toobe,
sig Silikon, das haig sich gopffriidstutz verschoobe.

Doch sinn die sälber Schuld die Scheenhaitswaansinnsgleen
und mir sinn froo, sinn mir vier vo Natuur uss scheen.