zurückzurück

40 Joor Hanslimaa 2018

Hanslimaa Fasnacht 2018

No nie isch e Kameel dur e Noodlenöör gheit,
no nie hets z Basel im Juli gschneit.
Und no nie hets wägeme Fasnachts-Motto,
Boschtauti-Subventione gää – so hoch wie im Lotto!

Hanslimaa Fasnacht 2018

Scho wiider son en Äxtrablatt,
yych ha die Fake-News meer als satt.
Wenn s Schwyzer-Volgg nimm wachse soll,
hets fir d SVP gnueg Blatz – äänen am Zoll!

Hanslimaa Fasnacht 2018

Dr Alex Frey sait zer Strellere,
y muess dr eppis verzellere:
„Em FCB hilft - mit Garantie,
nur e Diesel-Abgas-Theraphie!“

Hanslimaa Fasnacht 2018

Z Basel isch ain unden am Rhyybord gloffe
und bim Hochwasser fascht versoffe
und z Davos isch ain – es het grad gschneit,
em Deifel - ab em Kaare gheit!

Hanslimaa Fasnacht 2018

Die Schwarze doo - frogt dr Hansli dr Vatter,
schaffe die jetz alli bim Bestatter?
Nai, dasch dr Bundesroot my Glaine,
mit 3 Millarde - in dr Zaine!

Hanslimaa Fasnacht 2018

Syt 100 Joor – ass es d Lufthansa git
fliegt uff em Schwanz e Granich mit.
Und speeter maint z Berlin d Frau Maier,
gseesch dert druff - e Plaitegaier!

Hanslimaa Fasnacht 2018

D Frau Somaruge mäldet jetz efang
em Juncker si Schmutz als SEXI-Zwang
mit “MeeToo” – au yych bin e Frau
mäldet sich jetz - dr MINU au!

Hanslimaa Fasnacht 2018

Y darf doo no singe, wel y allem aa,
e glassische Inländervorrang haa.
Wär ych e Türk no dät me mi zwinge,
myyni Bängg nur no - im Gündülü singe!

Hanslimaa Fasnacht 2018

D Gnoche-Sammlig vo dr Universität,
wird no Oberwil ziiglet us Loyalität.
Denn wärde die Gnoche in Lieschtel verbroche,
ass dr Landroot mit Maloche si Süppli kaa koche!

Hanslimaa Fasnacht 2018

Wemme dr Wessels wurd seziere,
yysalze, yybinde und mumifiziere
und zwaihundert Joor im  Boode loo,
jä denn - wurds uns vyyl besser goo!

Hanslimaa Fasnacht 2018

Wenn Sii leen iire rächten Arm lo hänge
und Sii denn under iire Stuel dien länge,
finde Si aagläbt und lyycht ranzig,
e Kaugummi und d Aggde P 26!

Hanslimaa Fasnacht 2018

Zallereerscht kloont me s Schööffli Dolly,
denn s Äffli Hua im e Chineese-Zolli.
jetz warnt dä Chinees - wo in däm Zolli duet woone,
es soll mer jo kaine - d Aggermaa kloone!

Hanslimaa Fasnacht 2018

Mit eme Räppli-Sagg vom Consi
und ere Larve gleent vom Fonsi,
duen y diräggt ins Glaibasel jette,
und in dr Rhyygass - d Fasnacht rette!

Anzahl Mitwirkende: 2
Comité-Bank seit 1979
hanslimaa@greenmail.ch