zurückzurück

Dreydaagsfliege 2018

Anzahl Mitwirkende: 3
Comité-Bank seit 2011

 

Dreydaagsfliege Fasnacht 2018

Mir sin UNESCO-Wältkultur! Dr von Rohr isch in Trance
Au für uns pointeschwache Fliege ischs e Chance
Mir bringe unsri Väärs uff Änglisch - mai wie die denn schletze
Mr löön si aifach vom Tourismusby yro iibersetze.

Dreydaagsfliege Fasnacht 2018

Hello the world, we are a cutlet-bank and our points schletz
Because we have them all by Basel Tourist oversetz
Our president Miss Ackermaa losst au e welcome gää
her message is wie allew y yl: äh äh öh öh äh äh.

Dreydaagsfliege Fasnacht 2018

Ych hoff iir haiged alli euri Winterpneu montiert
S'isch schnäll passiert wenn s uff dr Strooss im Jänner schneit und gfriert
Und wenn denn no dr Trump erschyynt isch d Gfoor vom Schleudre grooss
No het s e braiti Spuur uus Schly ym vo Bärn bis uff Davos.

Dreydaagsfliege Fasnacht 2018

Juhui mir spaare d Bilag – d SRG die kaa s verbloose
Kai Rundschau mee zem luege und kai Echo mee zum loose
Mir schalte aifach s Hirni ab und luege unbeirrt
Fünf Stund lang wie bim Fischer z Au es Duvet gwäsche wird.

Dreydaagsfliege Fasnacht 2018

Was d Mumieforscher z Basel uusefinde isch frappant
Die Gen wo numme Fraue hänn sin bsunders intressant
Drum wurde si au s Schnitzelbangg-Comité nid bschaue
Mumie hets e Huffe, aber laider kaine Fraue.

Dreydaagsfliege Fasnacht 2018

D Helvetia isch zue mr koo (mir zwai sinn jo per Du)
Si miech bi dr Kampagne mit und saagi lut "Me too!"
So Type, läschtig, bsitzergryffend, waisch wie mi das schluucht
Ych wird jo scho syt Joore vo dr SVP missbruucht.

Dreydaagsfliege Fasnacht 2018

Dr Blocher isch jo allew y yl ganz gärn an d Fasnacht ko
Gottseidangg isch das bi sy ynre Tochter nid eso
das Joor heert me saage dass si au derby sy y wett
will s jo jetz am Cortege Pauseplätz für Rösser het.

Dreydaagsfliege Fasnacht 2018

Eb Merkel, Leuthart, May: S muess nur e Frau uff Brüssel koo
Und scho stoot dr Juncker wien-e Putzerfischli doo.
Är suugt sich aa, är schlabberet und schiilt no uff e Buuse
Und hindeduure hänggt er denn dr Haifisch wider uuse.

Dreydaagsfliege Fasnacht 2018

Dr Donald und dr Kim hän baidi nid grad v y yl im Kopf
Si zaige iir Rakeetli und hän Fröid am rote Gnopf
En alti Kindergärtnere die gääbt, i mach e Wett,
Ains linggs und rächts an d Oore und denn ooni z'Nacht ins Bett.

Dreydaagsfliege Fasnacht 2018

Jetz wänn die Rammel z Lieschtel iiri Schuele nümme butze
So spaari me und haig derzue no ganz en andre Nutze
Wenn d Pfoote wo si schüttle mien so richtig dräggig sy yge
No wurd in de maroode Spittel d Fallzaal wiider sty yge.

Dreydaagsfliege Fasnacht 2018

Dä Stalker Buttet und der Oskar Freysinger, dä Depp
oder Infantino, Constantin und Blatter Sepp
Giroux, Darbelay: all Daag gits e Skandal, e neye
Vo mir uus darfs das Wallis rueig vo Zyt zue Zyt verschneye.

Dreydaagsfliege Fasnacht 2018

Unsri alti Uni, voller Tradition und Adel
Wird glaitet vo dr Gschwind mit iirem Dilettantestadel
"Jetz fördere mir s Baselbiet und euseri Kchultur
Dr Roger kriegt dr Dokchter, und dr Heiri d Professur".