zurückzurück

Dräggspatze 2018

 

Anzahl Mitwirkende: 2
Comité-Bank seit 2015

 

 

Draeggspatze Fasnacht 2018

het dSchwyz ä Hungersnot? frogt sich dr Kim Jong Un im Stille
Die ässe jo genau wie mir Heugümper, Würm und Grille


Draeggspatze Fasnacht 2018

Es plaane Stadt und Land gemeinsam – s’dunggt is gar nid doof
Für iiri gmeinsame Projäkt ä gmeinsame Friidhoof


Draeggspatze Fasnacht 2018

Dr Bueb duet bi dr Mame briele – seesch wie dDrääne dropft
Sie het im uus Versehe dLöcher in de Hoose gschtopft


Draeggspatze Fasnacht 2018

Es sin die Värs schon ä bitz kurz mit numme grad zwei Ziile
Nur stinkts uns langsam, länger no bi bim Postauti z’verwiile


Draeggspatze Fasnacht 2018

Goots öpperem do inne zschnäll, wenn mir Zweiziiler singe
Denn könne mir gärn nonemol unsri Pointe bringe


Draeggspatze Fasnacht 2018

Es spitzle dLüt vom Erdogan ganz bestimmt au hit
Zum Glück verstöön au sie jo dPointe vom Zweiziiler nit


Draeggspatze Fasnacht 2018

dChinese hän für ganz viel Gäld dSyngenta übernoo
do hätt doch könne gratis au dr Wessels no mitgoo 


Draeggspatze Fasnacht 2018

dRhiitalbahn isch zämmebroche, s’näggschtmol, häm mir dänggt,
wird aifach sLäufelfingerli dr Rhii derab umglänggt


Draeggspatze Fasnacht 2018

noch dr Weinstein-Affäre heissts bi uns z’Oobe: Duu
wie wärs denn wieder emol mit «metoo»

au jä! han i gsait, mir wänns zämme triibe
nur sottsch mir no voorhär do unterschriibe

au im Wallis heissts «metoo» bim Yannick Buttet
Är het bi dr Fründin ä bitzli z’lang glütte


Draeggspatze Fasnacht 2018

«me too» sait au dFrau Ackermaa au ich ha jo kai Aanig,
wie my Vorgänger au, - vo dr Museumsplaanig

do het dr Putin frooge lo, ob är villicht könn nütze
är haig no vo Olympia här ä baar so Dopingsprütze


Draeggspatze Fasnacht 2018

Es twitteret dr Trump im Wisse Huus ganz lonely
Was rede alli vo «metoo» - für mi git’s nur: «meonly»


Draeggspatze Fasnacht 2018

Metoo gilt au für mi - i haa’s ä bitzli lang verdrängt
Und domols ungeniert an Buuse vo dr Mame glängt


Draeggspatze Fasnacht 2018

Es fäält die letschti Pointe do – siiged mir nid bees
I ha si – s’isch mir schregglig leid - verschärblet an Chinees