zurückzurück

Dräggspatze 2017

Anzahl Mitwirkende: 2
Comité-Bank seit 2015

 

 

 

Melodie: Le donne mobile
Naturvorgäng fördre duet sich immer loone
Drum het jetzt au Basel ä Grieni Zoone

 

Melodie: zBasel am mym Rhy
Mir gfallt s’neu Museum, nur hätt me no selle
eppis Schöns kaufe zum Iinestelle

 

Melodie: La ci darem la mano
Adieu, sait dr Imam nach em Sex mitenand
wärsch du kai Frau, gäb ich dir jetz no dHand

 

Melodie: zBasel am mym Rhy
dIdee vo däm Kraan, wo sich dBasler löön schängge
sott nid numme sy, zum dr Köppel ufhängge

 

Melodie: Chopin Trauermarsch
nach em Yykauf in Weil kasch uusruhe vom Gwiel
uff de Basler Innestadt-Stiel

 

Melodie: zBasel am mym Rhy
bim Kaserne-Umbau plant me ganz lyysli
für Regierigsroot-Aawärter ä Baadehyysli

 

Melodie: Beresinalied
S’wär nätt, sait dr Frehner nach de Waale zum Röschti,
Wenn är ihn wäg de Schimpfis vom Blocher denn tröschti

 

Melodie: USA Nationalhymne
Dr Trump schimpft über dMedie – Feik-Njuus syg jede Satz
Ai Uusnaam gäbs – das macht ys stolz – är maint nadierlig dBaz!

 

Melodie: SLied vom Eskimo
Am Nordpol glaagt dr Eskimo: das Gliimaa do isch mies
I gang zur Rosch nach Basel – döört hän sie schiints no Iis

 

Melodie: Musette
Mir faare, mir faare zum Iikaufe nämmli
bald bis Paris mit em dreier Drämmli

 

Melodie: Luegit vo Bärg und Tal
In Nizza sait dMuslimin bim Burka-Iipagge
jä nu, denn gang i hald nach Interlakke

 

Melodie: il Silentio
Uns längts - mir löön uns jetz so lang iifriere
bis dr Donald und dr Baschi nümm dien regiere

 

Melodie: klingeling die Post ist da
dHauptposcht soll zuegoh – mir dien rescherschiere
was könnt mit de Heilige Halle passiere:
-    Im Wessels wurd am beschte gfalle
Sgäb ä Veloiistellhalle
-    Dr Baschi hätt gärn – är trauts nur nid zsage
Ä Garasch für syni Kaader-Dienstwaage
-    em Engelberger wär dä Platz
Ä guete Bruederholzersatz
-    Es joomeret scho dSVP
Oo jee, am Änd gits ä Moschee
-   Au als Dänkmool für dr Morin wär dHalle bereit
zum Dank für alles, was er nid het gsait
-    Für mi, wenn dPoscht zueduet, isch hald sDummi
wo kauf i jetz mini Radiergummi?