zurück

Pierrot 2005

 

Anzahl Mitwirkende: 1
Comité-Bank seit 1988

 

8 zue 1 griegt GC Schnittte,
und hänn bis hytte drunter glitte,
au Zirche-Schmier het sich derno,
uff s glyche Niveau abegloo.

s isch kai olympischi Disziplyn, dasch hart,
y wist scho e Sieger-Kandidat,
dr Hamatschu mit syne Närve,
wär Favorit im Handtuech–Wärfe.

Yber die 0,5 Promyll,
schnurrt dr Leuenbärger zvyl,
bi dämm Rohstoffbryys kenne sich die maischte,
Oel am Huet doch gar nimm laischte.

Es kunnt mir vor wie ne schlächte Fluech,
jede schrybt si aige Buech,
und fir d Yakin s duet me no e CD brenne,
will si s jo nit läse kenne.

D MIGROS hett dr 'Drache' iibernoo,
sunscht wär dr 'Drache' nimme doo,
und do inn wär glaub e mänge froh,
es wär au bi ihm dehaim esoo.

Y ha dr Blick und die ney BaZ abonniert,
jetzt han y d BaZ wider storniert,
denn y ha verdoria die baide,
aifach nimm kenne unterschaide.

Carlsbärg sponseret d Fussball-Nati,
i waiss nit was do dra soll glatt sy,
wi die an dr EM gloffe sinn,
hesch gmaint dass alli scho bsoffe sinn.

Wo dr Couchepin dr Blocher bloggt,
hett dr Blocher dr Couchepin gfroggt,
in Basel, hesch das scho vergässe,
hett au e Niilpfärd e Zebra gfrässe.

Em Alex Frei, däm Spugger-Star,
si bruefligi Zuekunft schynt glaub klar,
sin sini Libbe bis denn nit dichter,
wird dä sicher Bundesrichter.

Dr Ukraine wird befohle,
si miesse d Wahle widerhoole,
y glaub die ganzi Wält wär froh,
es wär in Amerika au esoo.