zurück

Glettyse 2005

 

Anzahl Mitwirkende: 2
Comité-Bank seit 1985

 

S’Italiänische Färnseh hett z’Bormio nit gstraiggt, ihr wärdet lache,
Die hänn sich numme gwaigeret, wäg de Schwizer Iberstunde z’mache !

Dr Pabscht wär gärn nach Basel koo,
Gottseidangg hett är’s denn doch no gloo !
Mir zwai hänn denn au scho dänggt,
Dass ai Mumie z’Basel längschtens länggt !

Dr Pabscht schwärmt in de Bärge vo Bärn :
„Jä, dä Mönch, dä ha-n-ych aifach gärn !“

Brummt dr Tut-amch-Amon in syner Kischte, däre-n-alte :
Sell numme cho, ych hätt ihn denn grad bhalte !

Iber d’Yakins wird – s’isch ibertriibe –
E Buech mit vyle, vyle Sytte gschriibe.
Hösch, zem brichte, was e Yakin dänggt,
Hätt e Bierdeggel längschtens glänggt !

S’maint e Häftling in Guantamo Bay :
Nadyrlig sig dä Knascht e Sauerey !
Doch haigg är’s jo no guet als Taliban,
Vergliche mit e me Basler Fuessball- Fan !

Sitt me s’Rauche in de Baize verbiete duet,
Schmeggt mir’s Suffe nimm so guet.
Und wird mi Durscht mol fräch und frächer,
Jo, no suff ych s’Bier uss em Aeschebächer !

S’stoht uff jedem Päggli Zigarette :
„E Verzicht kennt Dir Di Läbe rette !“
Hätt me s’glych Prinzip fir Politiker ibernoo,
Kennt das Pagg vor lutter Kläber kuum no stoh !

Z’erscht striiche sie dr Gratissarg.
Jetz gitt’s Sägmähl statt Kissi, ych find’s arg !
Als näggscht’s kunnt dängg vo däm Beamte-Pagg :,
„Ab in d’KVA im neye Bebbisagg !“

Bi däne Priis verwurschtle ych my Pappi,
An Whiskas und an Schappi !

Dangg däm Bischoff uss St. Pölte, däm warme Maa,
Lueg ych d’Biible jetz ganz anderscht aa :
Jetz waiss ach dangg däm schwule Chrischt,
Was „Ein gesalbter Jüngling“ isch !

Wäge däm, was die uss St. Pölte alles brichte,
Wärde mir uff die letschti Eelig dängg verzichte !

Jetz waisch, worum bi dr Prieschterwejhi d'Novitze
Uff em Ranze liige : die kenne nimmi sitze !

Due-n-ych e Ziibelebreetli schlugge,
Foht my Darm firchterlig aa drugge.
Jetz ha-n-ych Angscht, wenn’s Fuudi gäärt,
Dass dr Bush mym A…. dr Krieg erklärt !

Wo sie dr Yakin mit 200 Sache blitze,
Duet är nit ellai dur s’Fotti flitze :
Schynts syg au sy Mamme uff’s Fotti gschneyt,
Wo uff em Dreyrad „Fahr doch langsam“ schreyt !

Au ych wär gärn e scheene Buuse-Schwan,
Und verfall em operative Scheehaitswahn !
Doch trotz Silikon und vyl Gymnastigg,
Velofaare, Sex und au Aerobic.
Trotz Bistich, Kläber und Zemänt,
Stütze, Gips und biologische Fermänt.
Trotz Stretching, Creme und Araldit,
Mieder, Kopfstand, Wonderbra und Aquavit.
Trotz Waldläuf, Schlamm und Spritze,
Puder, Joga, Jogging, Ummelitze.
Trotz Massage, Knätte oder Höhesunne :
D’Schwerkraft hett no immer gwunne !

Speeter probier ych’s au als Bodybuilder,
Und betribb my Wahn als wie wilder.
Jetz waiss my Schätzli ammigs nimm bim Schmuuse,
Küsst är s’Fiidle, d’Schnuure oder Buuse !