zurück

 Gasladärne 2005

 

 Anzahl Mitwirkende: 5
 Comité-Bank seit 1977
 gasladaerne@bluemail.ch

 

Unsri Frau Wänger - mittlerwyle 77
findet der Brysuffschlaag bim Drämmli gar nid witzig.
Fir ass si wytterhii ka d BVB benutze
muess si jetzt nämmlig au am Wucheänd go butze.

Wo me em Papscht dä nej Ferrari-Schlitte schänggt
hänn mir ys gfroggt, wie dä sich ächt do yyne zwänggt?
Aer will das nid – zem Glügg – jetz blybt das uns erspaart,
as är in näggschter Zyt als Raaser ummefaart.

Fir as die Ryche als no rycher kenne wärde
und alle Luxus kenne gniesse uf der Aerde,
duet me dääglig e paar hundert Büezer schasse.
Und im Glaibasel wärde d Wiehnachtsbäum entlasse.

Bi de BVB do loggeret me d Norme
Drum griege die vom Faardienscht neji Uniforme.
Wo mir die gseh hänn, hänn mir zerscht emoole dänggt
der Peter Sauber haig die alte Dress verschänggt.

In der Präss duet me dä armi Maa verrysse
wo probiert het bi de Groossrootswaale z bschysse.
Mir hänn Verständnis, as dä Maa emool entglaist.
Aer ka jo nyt derfir, well är scho Hammel haisst.

Jetzt dien ys d Zircher aimool mee in d Pfanne haue.
Si wänn das neje Stadion partout nid baue.
Uns stinggt das mächtig, und mir finde’s nimm zem lache,
jeedes Joor so bleedi Zirchervärsli z‘mache.

Denn dien si d Fans vom FC Basel schyganiere
und glaini Kinder gfesslet uf e Poschte fiere.
Mir kennte wirgglig uf so bleedi Värs verzichte
und mechte ändlig ebbis Gschejts us Ziiri brichte.

Wenn mir Basler geege FC Thun verliere,
denn losst der Latour Basler Läggerli serviere.
Und der Gross ka nach de baide Niiderlaage
bis zem nägschte Siig kai Thunfisch me verdraage.

Wenn me so noochedänggt, denn merggt me als wie mee
näbe de Schiine isch nid numme d BVB
Nai au in Bärn bi unsere siibe Bundesweise
dien au der Gouchepin und der Blocher bees entgleise.

Jetzt nimmt der HaMaTschu ganz unverhofft der Huet
und kain isch druurig, nai, die Maischte findes guet.
As är zer Yysicht kunnt das kenne mir verstoo
Fir sy Entschluss sott är sy Schappoo no bikoo.

Ob das jetzt Kunscht isch oder nid, do duet me chääre.
Mir sage ender nid, und wänn Eych das erglääre.
Es isch jo gar nid sicher ob dä Hund au braicht
wenn är sy Pfeetli lipft und an Herr Blocher sali mitenand

Der Latour duet sy stargge FC Thun verloo.
As är zue GC muess, das kenne miir verstoo.
Die sportlig Kriese muess är hälfe iberwinde
und „Gränni“ wird är deert bestimmt au gniegend finde.

Wäg‘ der Promillegränze darfsch bald nyt me dringge
und dangg em Rauchverbot darfsch d Baize nimm verstingge.
Au punggto Ibergwicht mien mir ys zämmeraffe.
Jä so blybsch fit, und kasch bis 66 schaffe.


 

 

Unseri CD 25 Joor Gasladärne ka me usschliesslig
iber unseri Mailadrässse bstelle.